Детското игралиште во населбата Жданец е целосно реновирано и реконструирано, со што најмладите жители добија побезбедно, поуредно и пофункционално место за игра и дружење.
Од Општина Карпош информираа дека во рамки на реконструкцијата, целосно се заменети оштетените реквизити, поставени се нови седишта на клацкалките, како и нова заштитна мрежа на кошот кој се наоѓа во состав на игралиштето.
-Дополнително, со цел подобрување на урбаната и естетската функционалност на просторот, заменети се дотраените дрвени даски на клупите со нови – велат општинските власти.
При тоа, додаваат дека континуирано вложуваат во ревитализација на детските игралишта, обновување на постојната урбана опрема и поставување нова опрема таму каде што има потреба, создавајќи поквалитетни и побезбедни јавни простори за сите генерации.
-Грижата за јавниот простор е заедничка одговорност – нагласуваат од локалната самоуправа.
Оттаму апелираат до сите граѓани совесно да ја чуваат и одржуваат урбаната опрема, која како што велат е наше заедничко добро и простор што го користиме сите.
ИЗДВОЕНИ
Не се од Буџетот, од Државна лотарија се – 5 и пол милиони евра за „Силно светнал ден“
„Ниту еден обвинет не смее да биде спасен од бавноста на системот“, порачаа родителите
Андреа Серафимовски за весникот ВЕЧЕР: Македонците повеќе инвестираат во станови отколку во банки, но многу од нив се празни
Симптомите на западнонилската треска може да траат и до два месеца
