Ценaта на нафтата падна по најавениот прекин на нападите врз енергетската инфраструктура

Цената на суровата нафта од типот „Брент“ вечерва се спушти на околу 106 долари за барел, откако претходно во текот на денот достигна највисоко ниво во последните четири месеци од 110 долари. Оваа промена уследи по изјавата на американскиот претседател Доналд Трамп дека Русија и Украина се договориле да ги прекинат нападите врз меѓусебната енергетска инфраструктура, објави „Trading Economics“.

Цената на суровата нафта падна на околу 102 долари за барел, откако претходно достигна 105 долари.

Неодамнешните напади врз руските рафинерии го намалија капацитетот за преработка на земјата и доведоа до тоа Русија да стане увозник на дизел почнувајќи од јули.

Сепак, ограничената понуда од Блискиот Исток ја задржа цената на суровата нафта над 100 долари за барел.

Саудиска Арабија беше принудена да го запре работењето на својот нафтовод „Исток-Запад“ по нападите извршени од ирачка територија.

Нападите го прекинаа работењето на инфраструктурата што се користи за транспорт на приближно седум милиони барели саудиска нафта дневно до Црвеното Море – алтернативна рута воспоставена откако испораките преку Персискиот Залив беа прекинати поради иранската блокада на извозот на нафта од земјите на Советот за соработка на Заливот (GCC).

Во меѓувреме, планираните разговори меѓу земјите од GCC и Иран – насочени кон постигнување договор за заеднички напори за обновување на испораките на нафта од регионот – беа одложени со одлука на Техеран, објави „Танјуг“.