Владата на Република Хрватска го прогласи вторник, 3 ноември, за Ден на национално сочувство по повод смртта на Мате Мишо Ковач – еден од најголемите и најистакнатите хрватски музичари – чиј впечатлив глас, личност и стил на интерпретација оставија неизбришлива трага на музичката сцена со децении.
Денот на национално сочувство ќе биде одбележан со истакнување на знамето на Република Хрватска на половина копје на сите згради во кои се сместени државните органи, како и органите на локалната и регионалната самоуправа.
Знамата ќе бидат спуштени на половина копје и на зградите што служат како седишта или деловни простории на правни лица, како и на објектите каде што поединци вршат самостојна професионална дејност.
За разлика од „Ден на жалост“ – кој наложува откажување на сите забавни и културни настани и прилагодување на радио и телевизиската програма – „Денот на национално сочувство“ не бара откажување на претходно закажаните настани или концерти, соопшти Владата.
Владата одлуката за прогласување на Ден на национално сочувство ја донесе денес, за време на седница одржана по телефонски пат.
