Бредли Бил и Лос Анџелес клиперс постигнаа договор за продолжување на соработката, потврди неговиот агент, Марк Бартелштајн. Ветеранот ќе потпише двегодишен договор вреден 13,2 милиони долари, со опција за играч за втората сезона. Претходно тој ја одби опцијата од 5,6 милиони долари и го тестираше пазарот на слободни агенти. За неговите услуги интерес покажа и Мајами хит, но тој, сепак, одлучи да остане во Лос Анџелес.
Трикратниот ол-стар му се приклучи на Клиперс минатото лето, но одигра само шест натпревари. Поради фрактурата на левиот колк, мораше да се оперира, по што сезоната за него заврши. На тие шест меча просечно постигнуваше по 8,2 поени за 20,2 минути, што беше најслаб учинок во неговата кариера.
Бил следната сезона ќе има 33 години и ќе влезе во својата 15. НБА-сезона.
Во кариерата има просек од 21,4 поени, 4,3 асистенции и 4,0 скока на натпревар, со 37,6 проценти реализација за три поени.
