„Би се вратил во Партизан, оставив многу пари во Белград“

Камерон Пејн пристигна во Партизан како големо засилување, но не остана долго таму и набрзо се врати во НБА, во тимот на Филаделфија. Овој пат, тој даде интервју за порталот „Кош магазин“ во кое зборуваше за своето искуство во Белград и за кариерата воопшто.

За престојот во Партизан рече дека тоа било сосема ново искуство играјќи кошарка.

• Одлично, забавно. Ми се допадна сè, особено сосема новото искуство играјќи кошарка, кое во споредба со моето играње во Кина (2019-2020), изгледаше сосема поинаку. Генерално, одлично искуство – започна Пејн.

Она што најмногу го воодушевило била енергијата на навивачите.

• Навивачите, секако. Тие носат неверојатна енергија, а јас самиот бев личност што беше совршена за таа ситуација, бидејќи внесував енергија во секој тим за кој играв – додаде Пејн.

Иако му се приклучи на клубот во предизвикувачки период, тој го виде своето доаѓање како можност, а не како проблем.

• Па не беше најдоброто време за клубот. И, да, слушнав за сè пред да дојдам во Белград, и за проблемите во клубот и заминувањето на легендарниот тренер. Но, го гледав како предизвик, а не како некоја лоша ситуација во која влегувам. Не би рекол дека беа играчите тажни. Другарството во тимот беше прилично добро. Неколкумина играчи заминаа, но сите што останаа генерално беа во одлични односи, се почитуваа едни со други и немаше никакви проблеми однадвор. Одлична група момци игра таму. Воопшто немаше проблеми – вели Пејн.

Тој веднаш ја презеде водечката улога во тимот и брзо се адаптираше на европската кошарка.

• Го направив тоа и се радував што ќе бидам еден од главните играчи, што ќе бидам во центарот на вниманието. Не се плашев од тоа. На мојот прв натпревар, губевме со 30 поени и морав брзо да се адаптирам. Првото нешто на кое помислив беше дека морам да научам како да постигнувам поени и како да бидам стрелец каков што бев на колеџот, кога бев главен играч во нападот. Правилата се малку поинакви во Европа, високите играчи не се тргнуваат од рекетот. Дефанзивните шеми се сосема различни во споредба со оние во НБА. И како бек, морав брзо да сфатам како играат моите соиграчи и да ги препознаам нивните тенденции. Но, доброто беше што играв многу. И мислам дека по кратко време, се навикнав и играв добро – истакна Пејн.

Иако денес е во НБА, Пејн не би одбил да се врати во Европа.

• Да, сигурно. Зошто да не? Да, можеби, повторно во Партизан, затоа што оставив огромна сума пари во Белград – со насмевка Камерон Пејн го заврши ова интервју за „Кош магазин“.