Во пресрет на Светскиот ден на здравјето, Општина Центар в понеделник ќе организира бесплатни здравствени консултации за граѓаните, кои ќе се одржат во општинскиот младински центар „Матично“, во периодот од 9:00 до 15:00 часот.
Граѓаните в понеделник ќе имаат можност да поразговараат за својата здравствена состојба со тим составен од гинеколог, ортопед, дерматовенеролог и инфектолог. Во рамките на акцијата на Општина Центар, студенти по медицина ќе вршат мерење на крвниот притисок и на гликозата во крвта.
Во стручниот тим ќе бидат вклучени и советниците во Советот на Општина Центар, Снежана Георгиева-Јаневска, гинеколог, и Александар Савески, ортопед трауматолог.
Градоначалникот на Општина Центар, Горан Герасимовски, ги повика граѓаните да ја искористат можноста за бесплатни здравствени проверки и советување со лекарите.
– Оваа акција ја спроведуваме со цел да ја поттикнеме свеста за грижата за сопственото здравје и превентивните контроли. Здравото население е најголемото богатство на една држава – потенцираше Герасимовски.
Активноста се реализира во соработка со Асоцијацијата за здравствена едукација и истражување „Хера“.
Општина Центар продолжува со иницијативите насочени кон подобрување на квалитетот на живот и поттикнување на здравите животни навики кај граѓаните.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
