Општина Гази Баба започна со реализација на уште еден исклучително важен проект – бесплатен и сеопфатен офталмолошки скрининг за сите ученици во основните општински училишта на нејзината територија.
Скринингот денеска се спроведуваше во ООУ „Крум Тошев“ во Трубарево, а во наредните денови ќе продолжи и во сите останати општински основни училишта.
– Навременото откривање на проблемите со видот кај децата е од огромно значење за нивниот правилен развој, учењето, концентрацијата и секојдневното функционирање. Многу проблеми со видот можат да останат незабележани, а раната превенција и навремената реакција можат да направат огромна разлика во животот на едно дете – соопштија од локалната самоуправа.
