Крис Бош (41) е поранешен американски кошаркар и двократен шампион на НБА- лигата со тимот на Мајами. Легендарниот кошаркар, кој играше како крилен центар, сега се огласи на „Инстаграм“ и рече дека мислел дека ќе умре. Видел само црнило, се разбудил во сопствената крв и е среќен што успеал да преживее.

  • Се разбудив во сопствената крв. Беше лудо, брзо во исто време, немаше никакво предупредување. Немав време да се подготвам за тоа. Се подготвував да се сретнам со сопругата и во следниот момент бев на земја. Нема да навлегувам во детали, но може да видите дека сè уште закрепнувам. Нема да се обидам да го скријам тоа во случај да изгледам поинаку. Беше страшно и дојде брзо – започна Бош.

Тој имаше проблеми со згрутчувањето на крвта кон крајот на својата играчка кариера и тоа е една од причините за тоа што се пензионираше во 2017 година. Дали е поврзано ова со тоа или не, тој не откри, но покажа каква е состојбата со неговата глава, особено во делот под окото.

  • По тоа, имав поинаква перспектива за животот и за тоа како функционираат работите. Што правиме за себе, за нашето семејство, како го живееме животот. И, не чекајте, тоа е она што го научив. Не чекајте да направите нешто, бидејќи може да се случи брзо. Имам среќа што сум жив. Се чувствувам добро во врска со тоа, сега размислувам за секојдневниот живот. Не чекајте да направите нешто, без разлика дали е тоа унапредување на работа или обид да се пријавите за спорт, одење на одмор. Може да биде која било од работите што сакаат луѓето да ги прават, а никогаш не ги прават. Тоа е мојата лекција, не чекајте, што и да е, направете го. Имав среќа, се вратив, бев во темнина. Отидов во темнина, се вратив и не се сеќавам на ништо. Немам никаква меморија, освен враќањето. Затоа, не чекајте – заклучи Бош.

 

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ