Апокалипса во Tехеран: Се шири стравот од хемикалии во чадот што го покри градот/ВИДЕО

Густ чад го исполни небото над Техеран откако израелските воздушни напади ги погодија иранските нафтени постројки за прв пат од почетокот на војната, при што загинаа најмалку четири лица, објави катарската телевизија Ал Џезира. Заедничките израелски и американски напади врз Иран продолжија деветти ден по ред во недела, при што загинаа повеќе од 1.300 луѓе во Иран и околу 300 во Либан. Според официјални лица, околу десетина луѓе беа убиени во Израел.

Апокалиптични сцени пристигнуваат денес од Иран, каде што преку ноќ беа погодени неколку нафтени резервоари. Снимките од „огнената печурка“ што се издига кон небото станаа вирални низ целиот свет, а не помалку се зборува за црниот облак што го „проголта“ изгрејсонцето во недела наутро, додека чадот продолжуваше да се излева од запалените резервоари.

Репортерот на BBC Persia, известува дека ја следел ситуацијата во Техеран преку извештаи и набљудувања од новинари и луѓе во Техеран кои успеале да објавуваат на X бидејќи интернетот е исклучен, а обичните граѓани кои немаат VPN или им е премногу скапо да се поврзат со глобалниот интернет или не можат.

Репортерот известува дека луѓето зборуваат за два главни стравови – од една страна, постои страв од пожари и моќни експлозии како оние што се слушнаа во Техеран синоќа, а од друга страна постои загриженост за можни хемикалии во чадот што се издига од резервоарите за нафта што горат во воздухот.

March 8, 2026 – Tehran at sunrise today. But the sun is hidden behind a sky filled with smoke. After a night of intensive strikes on oil facilities, thick black clouds now hang over the city, turning morning into something that feels like night. pic.twitter.com/7MghBnWRRw

— RKOT (@RKOTOfficial) March 8, 2026

Некои објави им советуваат на луѓето да пијат повеќе млеко и да ги затворат прозорците, додека други препорачуваат употреба на маски N95.

Фатеме Раџаби, една од новинарките што успеала да се поврзе со X, објави фотографии од небото над Техеран во 9 часот наутро по локално време – небото изгледа темно и црно и врнело дожд во некои области.

Друг корисник напишал дека со дождот, честички слични на црн барут паѓаат на земјата, а друг корисник ги советувал да не излегуваат на дожд.