Американската амбасада во Тирана со предупредување: Можни напади врз трговски центри, клубови, ресторани…

Американската амбасада во Тирана издаде итно предупредување до своите граѓани поради можни напади од групи поврзани со Иран. Потенцијалните цели вклучуваат локации поврзани со Америка, но и места каде што престојуваат туристи – од хотели до трговски центри.

„Групите поврзани со Иран може да се обидат да ги таргетираат субјектите поврзани со САД или иранските опозициски елементи во Албанија. Тие исто така може да ги таргетираат вообичаените места, како што се туристички локации, трговски центри, хотели, клубови и ресторани. Ги охрабруваме американските граѓани да бидат особено внимателни“, се вели во соопштението на амбасадата.

Groups associated with Iran may seek to target entities associated with the U.S. or Iranian opposition elements in Albania. They may also target common venues, such as tourist sites, shopping malls, hotels, clubs, and restaurants. We encourage American citizens to exercise… pic.twitter.com/peGAvfo63m

— U.S. Embassy Tirana (@USEmbassyTirana) April 1, 2026

Американската амбасада им советуваше на своите граѓани што живеат во Албанија да бидат внимателни и да ги следат вестите објавени од локалните медиуми.

„Бидете свесни за вашата околина, проверете ги вашите лични планови за безбедност и држете го мобилниот телефон наполнет во случај на вонредна состојба“, се вели во соопштението, меѓу другото.

Претходно Иран ѝ се закани на бугарската амбасада во Техеран, главниот град на Иран, дека ќе ја спречи Бугарија да им помага на Соединетите Американски Држави на кој било начин.