Американскиот државен секретар Марко Рубио изјави дека Соединетите Американски Држави ги следат извештаите за можна инфекција со чума во руска лабораторија, но дека тоа не е „причина за аларм“.
„Очигледно има многу малку патувања меѓу САД и Русија, но како и со сè друго, доколку нешто такво се прошири, би можело брзо да се шири“, им рече Рубио на новинарите пред да замине на пат за Исланд.
„Затоа внимателно ја следиме и надгледуваме ситуацијата. Не мислам дека тоа е причина за паника, но е причина да обрнеме внимание и едноставно да ја држиме ситуацијата под надзор. И токму тоа го правиме“, додаде тој.
