Следната рунда разговори меѓу израелската и либанската делегација во Рим, првично закажана за следната недела, е одложена за октомври, објави Барак Равид, дописник за „Аксиос“ и за израелскиот „Канал 12“.
Како што наведе Равид на платформата „Икс“, повикувајќи се на американски функционер, „следната рунда израелско-либански разговори, закажана за следната недела во Рим, е одложена“.
„Наместо тоа, израелскиот и либанскиот амбасадор ќе се сретнат во Стејт департментот во Вашингтон за да разговараат за неодамнешните случувања и за спроведувањето на рамковниот договор меѓу двете земји“, истакна Равид.
Тој додаде дека изворот открил оти следната рунда официјални разговори ќе се одржи во октомври во Рим.
Извор запознаен со деталите изјави дека еврејските празници, конференцијата за зајакнување на либанската армија што се одржува во Париз следната недела, како и подготовките за Генералното собрание на ОН, ги спречиле преговарачките страни да се сретнат во Рим следната недела, како што првично било планирано.
Како што претходно објави „Ал Џезира“, повикувајќи се на дипломатски извори, Израел и Либан планирале да одржат осма рунда мировни преговори на 15 и 16 септември за да разговараат за создавање нови „пилот-зони“ во јужните региони под контрола на либанската армија
ИЗДВОЕНИ
17.500 евра за да „помине“ јавна набавка: Приведен помошник-директор во Царина
БУРНО МЕЃУ ВЛАСТА И ОПОЗИЦИЈАТА ВО МАКЕДОНСКОТО СОБРАНИЕ: Расправиите за талогот ги заматија и пратеничките прашања
Пресудата падна, правдата во чекална – „Ласкарци“ се враќа во судските лавиринти!
Пиперката во соседството се откупува за едно евро, кај нас за мизерни 15 денари
