Земјотрес со јачина од 5 степени според Рихтеровата скала го погоди источниот регион на Русија

Земјотрес со јачина од пет степени според Рихтеровата скала денеска го погоди источниот регион на Русија.

Земјотресот се случил во 16:04 часот по локално време, во областа Камчатка во Русија, објави EMSC.

Според достапните податоци, епицентарот на земјотресот бил лоциран на 68 километри од градот Петропавловск-Камчатски.

Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 71 километар под површината на земјата.

Засега нема информации за материјална штета или повредени, а надлежните служби ја следат ситуацијата, пренесува Телеграф.