СВЕТ

Зеленски тврди дека Русија планира нова мобилизација и ширење на офанзивата

Од страна на

28/04/2026 19:36

French President Macron receives Ukrainian President Zelensky — EPA/SARAH MEYSSONNIER / POOL MAXPPP OUT

Руското политичко раководство планира понатамошни офанзивни операции и се подготвува да вклучи повеќе персонал, вклучувајќи и проширување на процесот на мобилизација внатре во земјата, изјави украинскиот претседател Володимир Зеленски по извештајот на началникот на Службата за одбранбено разузнавање на Украина Олег Иванчшеко.

„Добивме конкретни документи од рускиот Генералштаб кои потврдуваат дека самите окупатори ја признаваат својата неспособност да ги исполната задачите поставени од политичкото раководство. Украинските одбранбени сили обезбедуваат уништување на офанзивниот потенцијал на руската војска, а непоправливите загуби меѓу окупаторите веќе се приближуваат до 60 отсто од вкупните загуби, ја цитира „Укринформ“ објавата на Володимир Зеленски на „Фејсбук“.

„И покрај тоа, додаде Зеленски, „руското политичко раководство планира понатамошни офанзивни операции и се подготвува да влучи повеќе персонал, вклучувајќи и проширување на процесот на мобилизација во рамките на Русија“.

„Исто така ќе ги известиме нашите партнери за континуираниот развој на плановите за операциите оротив земјите на НАТО во Москва, како и за обидите Белорусија да се влучи подлабоко во спроведувањето на руските цели“, додаде Зеленски.

Според претходните извештани на „Укринформ“, Русија планира да регрутира околу 20.000 странски државјани, вклучувајќи и мигранти, во својата војска во 2026 година.