Украинскиот претседател Володимир Зеленски слета на аеродромот „Никола Тесла“ кратко пред 18:00 часот.
Зеленски утре ќе се сретне со српскиот претседател Александар Вучиќ.
Ова е негова прва посета на Србија откако стана претседател на Украина, пренесуваат српските медиуми.
Двајцата лидери имаа неколку претходни средби на меѓународни форуми и самити во странство.
Причината за неговата посета сè уште не е позната.
Посетата на Зеленски на Белград првично беше закажана за крајот на мај, но беше одложена во последен момент, а заменик-премиерот на Украина за европски и евроатлантски интеграции, Тарас Качка, ја посети Србија во тоа време „за да подготви терен за одредени прашања“, соопшти Киев.
И Србија и Украина делат аспирации за членство во Европската Унија, при што меѓусебната поддршка за европскиот пат претставува еден од клучните столбови на билатералните односи.
Друга важна точка во односите е меѓусебната поддршка на Србија и Украина за територијалниот интегритет и суверенитет на тие земји.
ИЗДВОЕНИ
Празни ходници, а во „Мој термин“ нема слободен преглед
АЛАРМ ЗА НАМАЛЕНИОТ НАТАЛИТЕТ ВО МАКЕДОНИЈА: Демографијата тоне, мерките уште се „раѓаат“!
По пишувањето на ВЕЧЕР: Народниот правобранител бара гостиварци да не плаќаат за загадената вода
Европа со „минималци“ над 2.000 евра, Македонија на дното од листата
