Здравјето пред практичноста: Четири вида храна што не треба да се готват додека се уште во замрзната состојба

Замрзнатата храна е удобен, достапен и хранлив додаток на вашата рутина, помагајќи ви да заштедите време и да го намалите отпадот од храна.

Иако многу храна може да се готви од замрзната состојба, одредени намирници – како пилешко, свинско месо, дебели парчиња месо, печива и деликатен зеленчук – прво треба да се одмрзнат во фрижидер за подобра безбедност, вкус и текстура.

За да го намалите ризикот од заболувања што се пренесуваат преку храна, секогаш гответе ја храната на безбедни внатрешни температури и проверете ја печеноста со термометар за храна, пишува „Итинг вел“ (EatingWell).

 Пилешко и свинско месо

Ако пилешкото и свинското месо не се зготват на соодветна внатрешна температура, го зголемувате ризикот од развој на заболувања што се пренесуваат преку храна предизвикани од бактерии како салмонела.

Готвењето пилешко од замрзната состојба може да резултира со нерамномерно готвење, каде што надворешноста се готви побрзо од внатрешноста. Пилешкото може да изгледа зготвено однадвор, но може да биде недоволно зготвено во некои делови. Ова може да влијае и на текстурата, што резултира со поцврсто месо, пренесува „Итинг вел“.

Се препорачува месото да се одмрзне во фрижидер пред готвење и да се провери печеноста со термометар за храна. Центрите за контрола и превенција на болести препорачуваат готвење на пилешко месо на минимална внатрешна температура од 74°C. Целите парчиња свинско месо треба да достигнат најмалку 63°C и да се остават да отстојат три минути пред сечење или јадење. Меленото свинско месо треба да достигне 71°C.

Соодветното складирање, исто така, помага во спречување на труење со храна. Чувајте го суровото или одмрзнато пилешко и свинско месо – и нивните сокови – подалеку од храна подготвена за јадење, како што се салати или храна што е веќе зготвена.

 Дебели парчиња месо

Важно е да се користи рамномерна топлина при готвење дебели парчиња месо, како што е печеното. Бидејќи парчето месо е толку дебело, готвењето во замрзната состојба може да ви даде совршено запечена надворешност и многу сурова или сè уште замрзната внатрешност.

Наместо тоа, одмрзнете ги дебелите парчиња месо во фрижидер пред готвење. Избегнувајте одмрзнување на месото на работната маса, бидејќи тоа може да им овозможи на бактериите брзо да растат во делови од храната што достигнале собна температура.

При готвење, користете термометар за да ја проверите внатрешната температура. Целите парчиња месо треба да достигнат најмалку 140°F (63°C) и да отстојат три минути пред да се исечат или да се јадат.

Мусака

Дополнителна порција замрзната мусака со зеленчук може да биде одличен начин брзо да добиете хранлив оброк. Иако е примамливо веднаш да ја ставите во рерна, ова може да влијае на квалитетот. Мусаката што е полна со состојки или е замрзната во длабок сад може да биде нерамномерно зготвена. Може да завршите со убаво запечени рабови или врвови и ладен центар.

За порамномерно готвење и подобра текстура, се препорачува сложените јадења како лазања или мусака да се одмрзнат пред печење. Потоа користете термометар за храна за да потврдите дека достигнуваат внатрешна температура од најмалку 166°F (74°C).

Брзата порција пржен зеленчук може да додаде витамини, минерали и влакна во многу оброци. Сепак, некои помеки зеленчуци можат да станат кашести или да ослободат премногу течност кога се готват директно од замрзната состојба.