Силен земјотрес со магнитуда од 7,2 степени, a само 39 секунди подоцна следеше уште поразорен земјотрес со магнитуда од 7,5 степени, ја погоди Венецуела во близина на главниот град Каракас. Тресење на плото беше почувствувано и во соседна Колумбија.
Првиот земјотрес беше регистриран на длабочина од 13 километри, а вториот на длабочина од 10 километри, соопшти Геолошкиот завод на САД (USGS).
Бројни згради беа сериозно оштетени, а на улиците на Каракас беа видени противпожарни возила. Некои жители, исто така, пријавија прекини во електричната енергија и интернетот.
„Овој земјотрес беше ужасен, дури и полош од оној во 1967 година“, рече Марија Ромеро, 80-годишна пензионерка од јужниот дел на градот. Таа додаде дека полицијата ѝ помогнала да се евакуира.
Сведоци изјавија за Ројтерс дека нивните згради имале пукнатини и дека стаклото во влезовите им било скршено. Во Валенсија, некои жители пријавиле дека нивните ѕидови пукнале, и штом престанало тресењето, ги напуштиле своите станови.
Venezuela 🇻🇪: more footage of Simon Bolivar airport the moment of the earthquake.
Entire blocks of concrete were falling from the roof. https://t.co/QiS5iVVxcJ pic.twitter.com/6YiStORSV2
— Thomas van Linge (@ThomasVLinge) June 24, 2026
Многу Венецуелци биле во своите домови во времето на земјотресот бидејќи тоа бил национален празник посветен на воената победа во 1821 година, со која се обезбедила независност од Шпанија.
И американскиот претседател Доналд Трамп се огласи, велејќи дека САД се подготвени да помогнат и дека им наредил на сите федерални агенции да бидат подготвени за брз одговор. Тој нагласи дека првичните информации од погодената област не се охрабрувачки.
WATCH: Moment powerful 7+ magnitude earthquake (terremoto) causes major damage at Caracas Airport, Venezuela pic.twitter.com/2kd7oNFxbs
— Rapid Report (@RapidReport2025) June 24, 2026
Најмалку 32 лица загинаа, а повеќе од 700 се повредени, изјави привремената претседателка на Венецуела, Делси Родригез. Таа прогласи вонредна состојба откако два земјотреси го погодија главниот град.
Спасувачките екипи се обидуваат да пронајдат луѓе заробени под урнати згради и други структури по разорните земјотреси во Венецуела. Повеќе од 500 работници за итни случаи работат на спасување на луѓе од урнати и оштетени згради во областа Чакао во главниот град Каракас, објавува CNN.
Во земјотреси од ваков интензитет, најголема непосредна опасност е уривањето на згради и други структури.
Снимките од аеродромот во близина на Каракас покажуваат облаци прашина и патници во паника, како и парчиња бетон што паѓаат за време на земјотресот.
Причинета е голема материјална штета, а засега не е познато дали има жртви меѓу патниците.
Caracas Maiquetia Aeropuerto #temblor #sismo. pic.twitter.com/5Jr2mydzaS
— 𝑲𝐚𝐢𝐫𝐨𝐬®™ (@12Kairos09) June 24, 2026
This is the hotel at Caracas International Airport where my family was staying when the earthquake hit. pic.twitter.com/CpONiUJe5b
— Carolina ❤️🔥 (@realCarola2Hope) June 24, 2026
Научниците од Геолошкиот завод на Соединетите Американски Држави веќе издадоа драматични предупредувања дека Венецуела би можела да се соочи со хуманитарна криза од невидени размери.
Според нивните компјутерски модели и анализи на интензитетот на плитките хоризонтални раседи, постои 44 проценти веројатност дека конечниот број на жртви ќе надмине 10.000 луѓе, додека проценките, исто така, оставаат застрашувачки 30 проценти веројатност дека бројот на жртви на крајот би можел да надмине 100.000.
