Вучиќ најави неколку митинзи низ цела Србија на крајот на јуни, централниот ќе се одржи на 27-ми во Белград

Српскиот претседател Александар Вучиќ денес изјави дека од 26 до 28 јуни ќе бидат организирани неколку митинзи и настани низ цела Србија, на кои ќе ги презентира плановите за земјата.

„Во тој момент, во тие три дена, ќе организираме неколку важни настани и во Белград и низ цела Србија, ќе презентираме главни програмски прашања и главни планови, ќе разговараме за некои лични решенија, за тоа како ја гледаме Србија и за тоа што нè очекува во месеците потоа“, изјави тој за Информер, објави „Данас“.

Тој ги покани сите граѓани кои „не сакаат гнев, уништување и омраза“ да дојдат на овие митинзи.

Тој додаде дека централниот собир ќе се одржи на 27 јуни во Белград попладне и навечер.