Во жестоки напади со дронови погодена најголемата рафинерија во Москва/ВИДЕО

Во украински напад со беспилотни летала оштетен е објект во московската рафинерија за нафта, во сопственост на рускиот „Газпромнефт“, изјави во вторникот градоначалникот на Москва, Сергеј Собјанин.

„Нема жртви, а службите за итни случаи се испратени на местото на настанот“ за да си ја завршат работата, напиша Собјанин на Телеграм. Тој не кажа дали нападот влијаел врз нормалното работење на рафинеријата.

Објектот е најголем во Московскиот регион и преработил 11,6 милиони тони нафта во 2024 година, произведувајќи 2,9 милиони тони бензин и 3,2 милиони тони дизел, според најновите достапни податоци.

🔥 Moscow woke up to another wave of drone attacks on Tuesday morning

Russian authorities reported multiple Ukrainian drones targeting the capital region, with air defense systems activated across Moscow and nearby areas.

Moscow Mayor Sergey Sobyanin said one of the drones… https://t.co/k78hyUvYUc pic.twitter.com/KFHRKgXkBA

— NEXTA (@nexta_tv) June 16, 2026

Бројот на напади со беспилотни летала врз руските рафинерии се дуплирал од почетокот на 2026 година, што резултирало со целосни или делумни прекини во преработката на нафта и пад на производството на бензин, дизел и авионско гориво, според официјалните податоци, податоците од социјалните медиуми и пресметките на Ројтерс.

Рафинеријата „Газпромнефт“ го опслужува Московскиот регион, кој досега не е меѓу дванаесетте руски региони кои доживеале прекини во снабдувањето.

Покрај тоа, „Киев пост“ објави дека најголемата рафинерија за нафта во Москва, исто така, била цел на беспилотни летала во вторник, бидејќи сè поинтензивните напади продолжуваат да ја продлабочуваат кризата со снабдувањето со гориво во Русија и да ја оптоваруваат нејзината енергетска инфраструктура. Нападот предизвикал пожар во складиште за нафта во рускиот регион Краснодар во раните утрински часови, соопштија руските регионални власти, според истиот извор. Патот помеѓу селото Полтавскаја и селото Трудобеликовски бил затворен по нападот, додаде регионалниот штаб.