Во продолжението на операцијата „Армагедон“, српската полиција уапси шестмина мажи, од кои еден руски државјанин, под сомнение за преземање, складирање и споделување содржини создадени со експлоатација на деца за порнографски цели.
Постои сомнеж дека тие го правеле тоа подолг период, преку Интернет, со регистрирање лажни профили на социјалните мрежи и апликации, претставувајќи се како девојчиња на возраст од 11 и 12 години, со цел да стапат во контакт со малолетници. Осомничените барале и добивале фотографии и видеа со сексуална содржина од малолетници, се додава во соопштението. Во домовите и во другите простории што ги користеле осомничените, пронајдени се компјутери и компјутерска опрема, во кои, по прегледот, се откриени фотографии и видеа од сексуална експлоатација на деца на возраст од шест до 14 години.
Апсењето е извршено како дел од операцијата на Европол за борба против сексуалната експлоатација на деца преку Интернет, наречена „Пајтон“.
ИЗДВОЕНИ
ДВЕ ГОДИНИ ОД ВЛАДАТА НА ПРЕМИЕРОТ ХРИСТИЈАН МИЦКОСКИ, АНАЛИТИЧАРИТЕ ОЦЕНУВААТ: Половина мандат, половични оцени – најсериозните предизвици остануваат
Секој ден по две повреди на работното место, градежништвото останува најсмртоносно
Инспекторите им дишат во врат, Мицкоски им се закани со казни, ќе ги намалат ли цените маркетите?
Дизелот ќe поевтини за 7 денари, бензините до 4 денари по литар – Македонија со најевтини горива од соседите
