Утрово, околу 7:25 часот, на автопатот А3 – на 61-виот километар во правец кон Загреб, веднаш по клучката Иваниќ-Град – се случи тешка сообраќајна несреќа при која се преврте автобус со српски регистарски таблички.
Во несреќата загинаа две лица, соопшти полицијата.
„Неколку лица се повредени и ќе им биде укажана лекарска помош во болниците во загрепската област. Сообраќајот се одвива бавно и е ограничен на левата лента“, се додава во соопштението на полицијата.
Сите итни служби се на терен, а пристигна и хеликоптер за да им помогне на повредените.
Според информациите од ХАК (Хрватски авто-клуб), сообраќајот се одвива со ограничување на брзината од 60 километри на час.
