Во Велес попладнево се измерени 39 степени Целзиусови, во Виница, Кавадарци и Демир Капија, 38, Скопје-Петровец, Скопје-Зајчев Рид, Струмица и Гевгелија, 37. Во Штип температирата достигна 36 степени, Тетово 35, Битола 34, Крива Паланка и Прилеп, 33, Охрид, 32, Берово 31, Претор 30, Маврови Анови 29, Крушево 28, Попова Шапка 22 – покажуваат мерењата на Управата за хидрометеоролошки работи (УХМР).
Како што информираа од УХМР, попладнево ќе се задржи сончево и топло време, а во текот на ноќта ведро време. Ќе дува слаб до умерен променлив ветер.
Утре времето ќе биде сончево и топло, со мала локална облачност. Ќе дува слаб до умерен ветер од променлив правец.
Под влијание на топла воздушна маса од југ во деновите од продолжениот викенд и до крајот на следната седмица времето ќе биде сончево и многу топло со мала до умерена локална облачност, информираат од УХМР.
Дневната температура насекаде ќе биде над 32°C, а во некои места ќе надмине 40°C. Високи температури ќе се задржат и во текот на ноќните часови.
Во Скопскиот регион се очекува сончево и топло време со слаб до умерен ветер од променлив правец.
Надлежните препорачуваат граѓаните да бидат внимателни во периодите со највисоки температури, особено хронично болните, постарите лица и најмалите деца.
ИЗДВОЕНИ
Првичните резултати за пената во Вардар покажале дека се е во границите на дозволеното – конечните анализи се очекуваат на 4 август
Мицкоски: Законот за „Скопје 2028“ ќе биде ставен на јавна дебата
Невидената мигрантска криза има правен поттик! Зошто десетици илјади Мароканци навалија во шпанската Сеута?
ИЛИНДЕНСКО ПОСЛАНИЕ НА АРХИЕПИСКОПОТ Г.Г. СТЕФАН: Се наоѓаме на историски крстопат
