Одделот за внатрешна контрола при Министерството за внатрешни работи утврдил сериозни пропусти во постапувањето на дури 39 полициски службеници кои биле вклучени во интервенции по пријави за семејно насилство поврзани со случајот на Ивана Јовановска.
Како што информираат од МВР, Одделот за внатрешна контрола, криминалистички истраги и професионални стандарди веќе доставил известување до Основното јавно обвинителство за гонење на организиран криминал и корупција, каде ќе се утврдува понатамошната одговорност.
Случајот со Јовановска ја потресе јавноста откако таа заедно со својата шестгодишна ќерка го загуби животот по пад од зграда во скопската населба Карпош, а во јавноста излегоа информации дека претходно имало пријави за семејно насилство.
Според досегашните сознанија, полицијата била повикувана и непосредно пред трагедијата, по пријава за расправија меѓу сопружниците. Иако постоеле индиции за нарушени односи и потенцијален ризик, полициските службеници се повлекле откако Јовановска изјавила дека станува збор за недоразбирање.
Токму ова постапување е дел од предмет на внатрешната контрола, која сега констатирала пропусти кај голем број службеници, отворајќи прашања за тоа дали со навремена и соодветна реакција трагедијата можела да биде спречена.
Од МВР упатуваат дека за сите дополнителни информации во врска со предметот надлежно е обвинителството, кое ќе ја води понатамошната постапка.
ИЗДВОЕНИ
КОЛУМНА, ЗВОНКО ДАВИДОВИЌ: Судството како партиски реверс и обвинителството како немо сведоштво
Кандидатите за членство во Унијата ќе се доближуваат преку системот на „градежни блокови“: Макрон и Мицкоски на маса – Европа со нова понуда за Балканот
Агенциите бараат доплата по 20 евра од патник поради поскапите авионски карти
Факултетот за арт и дизајн – 20 години посветеност, знаење, визија и слободно креативно изразување!
