Вишото јавно обвинителство во Зајечар поднесе уште едно обвинение против Дејан Драгиевиќ и Срѓан Јанковиќ за убиството на двегодишното девојче Данка Илиќ.
Како што пишува Nova.rs, следеше опсежно пребарување на подрачјето, кое траеше со денови. Во текот на тие денови, полицијата испрашуваше сведоци и мештани, но ништо не укажувало што се случило со детето. Потоа се појави видео од Виена, на кое се гледа девојче кое личи на Данка Илиќ, а потоа потрагата била проширена во Австрија.
Австриската полиција соопшти дека е утврдено дека детето на видеото не е Данка Илиќ. Ужасната вест беше објавена еден ден подоцна.
Српскиот претседател Александар Вучиќ објавил дека Данка е убиена, дека две лица се приведени и дека го признале злосторството. Станува збор за работниците на ЈКП „Водовод“ од Бор, Срѓан Јанковиќ и Дејан Драгиевиќ. Ова се работниците кои работеле во Банско поле на 26 март.
Телото на детето до ден денес не е пронајдено. Обвинението веќе е поднесено, иако не одговара на голем број прашања. За време на истрагата, беа сослушани голем број сведоци, вклучувајќи ги и жителите на Банско поле во Бор.
