Дваесет лица загинаа, а пет се водат како исчезнати по пожар на товарен брод во североисточна Кина, објавија денеска локалните медиуми.
Бродот е идентификуван како „Оушн мелоди“ (Ocean Melody) и плови под либериско знаме според веб-страницата за следење пловни објекти „Веселфајндер“ (VesselFinder); тој бил закотвен во бродоградилиште во градот Кингдао, каде што, наводно, се вршело негово одржување.
На бродот имало вкупно 42 лица, од кои 12 биле безбедно евакуирани, објави новинската агенција „Синхуа“.
SCENE: Aftermath of foreign #cargoship fire during maintenance at a shipyard in #Qingdao, East China’s #Shandong Province, Thursday. https://t.co/UbBvINju1j
— ShanghaiEye🚀official (@ShanghaiEye) September 10, 2026
Пожарот избувнал нешто по 11:00 часот по локално време.
Кинескиот претседател Си Ѓинпинг повика на итни операции за пребарување и спасување, како и на итна истрага за несреќата, пренесува „Би-би-си“.
Премиерот Ли Ќанг повика на спасување на сите што евентуално би можеле да бидат заробени и ја истакна потребата да се спречат „секундарни катастрофи“, пренесе „Бета“.
ИЗДВОЕНИ
Не се од Буџетот, од Државна лотарија се – 5 и пол милиони евра за „Силно светнал ден“
„Ниту еден обвинет не смее да биде спасен од бавноста на системот“, порачаа родителите
Андреа Серафимовски за весникот ВЕЧЕР: Македонците повеќе инвестираат во станови отколку во банки, но многу од нив се празни
Симптомите на западнонилската треска може да траат и до два месеца
