Унгарскиот премиер најави нов Устав и отстранување на „Орбановата мафија“

Во говорот пред парламентот, унгарскиот премиер Петер Маѓар објави најави пакет уставни реформи и акција што ја нарече „Операција за прочистување на огнот“, тврдејќи дека целта е да се разбие, како што рече, „политичко-економската мрежа поврзана со претходната влада“.

Маѓар презентираше план за изготвување нов устав, најавувајќи разрешување на неколку високи државни функционери кои беа дел од администрацијата на поранешниот премиер Виктор Орбан. Меѓу нив го спомена претседателот Тамаш Суљок, како и некои судии на Уставниот суд.

За време на говорот, кој траеше речиси еден час, тој рече дека целта на неговите планирани потези, како што тврдеше, е да се „ослободи земјата од корупција и политичко влијание“ и да се зајакне владеењето на правото.

Според европските медиуми, партијата Тиса, предводена од Маѓар, објави почеток на институционални реформи и раскинување со политиките на претходната влада по изборната победа во април.

Најавените промени вклучуваат изготвување нов устав почнувајќи од септември, како и воведување ограничување на мандатот за пратениците до максимум 12 години. Исто така, објавено е дека ќе се врати задолжителната возраст за пензионирање за судиите на Уставниот суд на 70 години, што би довело до заминување на дел од постојниот судски персонал.

Дополнително, предложено е формирање на посебно тело за борба против корупцијата, кое би имало проширени истражни овластувања.

Во меѓувреме, владата отвори онлајн платформа за јавни коментари за предложените уставни измени, која ќе биде активна до крајот на јули, по што се очекува парламентот да може да ги разгледа предложените амандмани.