Ученик избодел соученик во градите и стомакот: Откриена состојбата на детето и хигиеничарката повредени во нападот во загрепското училиште

Ученик од средно училиште, кој претходно денес беше повреден со остар предмет, е примен во КБЦ Загреб; директорот Фран Боровечки го потврди приемот, наведувајќи дека пациентот се здобил со тешки убодни рани во пределот на градниот кош и стомакот.

Тој изјави дека ученикот моментално е во стабилна состојба, но повредите се тешки, поради што по извршената операција е префрлен на одделот за интензивна нега.

„Повредите може да се окарактеризираат како опасни по живот. Нашиот персонал веднаш презеде сè што е потребно за нивно згрижување. Поради сериозноста на повредите, ученикот подложеше на операција“, изјави директорот на КБЦ Загреб.

Беше соопштено дека повредената хигиеничарка се здобила со повеќе површински убодни рани.

Виталните функции на двете повредени лица моментално се стабилни.

Градоначалникот на Загреб, Томислав Томашевиќ, пристигна на местото на настанот и изјави дека најважно е ученикот и членот на персоналот да оздрават.

Со оглед на тоа што се вклучени малолетници, не можат да се дадат официјални изјави во врска со мотивите или други детали.