Триесет и тригодишен возач од тетовското село Доброште, е уапсен, откако под дејство на алкохол возел во спротивен правец на патот Гостивар – Тетово.
Инцидентот се случил денеска кога во полицијата било пријавено дека автомобил „шкода“ со тетовски регистарски ознаки се движи во спротивен правец.
По пријавата, полициски службеници го запреле возилото кај наплатната станица Тетово. При контролата било утврдено дека возачот Б.О. (33) имал 2,06 промили алкохол во крвта, по што бил лишен од слобода.
Полицијата ги уапсила и неговите двајца сопатници, А.Ј. (27) од Нераште и Н.А. (38) од Доброште, бидејќи агресивно и дрско се однесувале кон полициските службеници при извршувањето на нивните должности.
Тројцата се задржани во полициска станица, а по целосното документирање на случајот против нив ќе следуваат соодветни поднесоци.
ИЗДВОЕНИ
СТАРИ И БЕСПОМОШНИ, СВИРЕПО НАПАДНАТИ ВО СВОИТЕ ДОМОВИ – ДВЕ УБИСТВА ЗА ПЕТ ДЕНА ГО ЗАВИЈА СКОПЈЕ ВО СТРАВ
До документ со неколку клика на мобилен – нема веќе губење денови по шалтери
Со онлајн список, но без торба за на пазар – пиперки и домати за пола час на врата!
Пред пратениците 124 амандмани – за зголемување на минималецот, за студентски оброк и за поддршка за земјоделците
