Забраната ќе стапи на сила на 1 јули и ќе се однесува на плажите, парковите, јавните градини, просторите пред училиштата, автобуските станици и спортските објекти. „Тутунот ќе мора да исчезне таму каде што има деца“, порача Вотрин во интервју што го објави дневниот венсик „Квест-Франс“.
Вотрин додаде дека „слободата на пушење мора да заврши таму каде што почнува слободата на децата да вдишуваат свеж воздух“. Таа истакна дека терастите на кафулињата ќе бидат изземени од забраната. Најави дека за прекршувањето на правилата ќе биде изречена парична каза од 135 евра, пренесува Би-би-си.
Таа тврди дека полицијата редовно ќе проверува дали се почитуваат правилата. Иако електронските цигари се изземени од забраната, Вотрин потврди дека работи на воведување ограничувања на нивото на никотин што го содржат. Според Францускиот центар за следење на дрогите и зависноста од дрога, 23,1 процент од француското население пуши секојдневно, што е најниска стапка забележана некогаш/
Францускиот национален одбор против пушење наведува дека повеќе од 75.000 пушачи годишно умираат од болести поврзани со тутунот, што е 13 проценти од сите смртни случаи. Пушењето во објектите како ресторани и ноќни клубови е забрането во Франција од 2008 година.
Забраната за пушење во парковите како и на плажите и другите јавни места требаше да стапи на сила во 2024 година, но потребната уредба не беше усвоена. Меѓутоа, повеќе од 1500 општини веќе добровоно забранија пушење на јавни места.
Неодамна известување на француското здружение за рак Ла Лиг Котур ле Канцер покажува речиси 89 отсто од Французите поддржува забрана на пушење на јавни места како шуми, плажи, паркови и тераси.
