петок, ноември 20, 2026
Дома СВЕТ Трамп за денешниот инцидент во европска земја: Путин по грешка испратил беспилотни...

Трамп за денешниот инцидент во европска земја: Путин по грешка испратил беспилотни летала и „неколку мали ракети“ во Полска

0
Фото: screenshot X

Претседателот на Соединетите Американски Држави (САД), Доналд Трамп, денеска изјави дека рускиот претседател Владимир Путин по грешка испратил беспилотни летала и „неколку мали ракети“ во Полска. Ова доаѓа по инцидентот за време на руски напад врз Украина, при што два проектила и едно беспилотно летало паднале на полска територија.

„Путин испрати беспилотни летала во Полска и неколку мали ракети – по грешка“, рече Трамп во интервју за „Фокс њуз“ (Fox News).

Полскиот министер за одбрана, Владислав Косињак-Камиш, потврди дека два руски проектила и едно беспилотно летало на млазен погон паднале на полска територија. Еден од проектилите е идентификуван како крстосувачка ракета од типот „Х-101“ (Kh-101). Нема повредени, а не е пријавена ниту материјална штета.

Полскиот премиер Доналд Туск изрази мислење дека ова не е случаен настан, туку можна намерна провокација од страна на Русија. Тој посочи дека руските објекти паднале во близина на област каде што во тој момент се одвивале воени вежби со учество на таканаречената „Коалиција на волените“ (Coalition of the Willing) – во која се вклучени и полски војници.

„Знаеме дека она што падна на полска територија доаѓа од Русија. Ова не изгледа како несреќен случај“, рече Туск, додавајќи дека ваквата оценка ја делат и странските партнери, вклучително и НАТО.

Изјавата на Трамп уследи по критиките од страна на Туск, упатени поради тоа што Трамп, за време на средба во Кина, го нарекол рускиот претседател „пријател“.

ИЗДВОЕНИ