Претседателот на САД, Доналд Трамп, изјави дека неговата земја планира повторно да го нападне Иран вечерва поради нападите на Техеран врз бродовите во Ормускиот теснец.
„Тие лансираа неколку дронови и една ракета кон бродовите, бидејќи беа во Ормускиот теснец, што имаат целосно право да го сторат. Затоа ги нападнавме многу силно синоќа. Веројатно повторно ќе ги нападнеме многу силно вечерва. Нека ова биде предупредување за нив“, рече Трамп за време на состанокот со украинскиот претседател Володимир Зеленски на самитот на НАТО во Анкара.
„Тие лажат, измамуваат, убиваат луѓе. Веројатно повторно ќе ги удриме силно вечерва. Ќе им дадам мало предупредување. Ќе ги удриме силно вечерва. Но, ќе видиме како ќе заврши сè“, рече Трамп на заедничката прес-конференција со украинскиот претседател Володимир Зеленски на маргините на самитот на НАТО во Анкара, објави „Скај њуз“.
Според него, Иран лансирал неколку беспилотни летала и една ракета врз бродови во Ормускиот теснец, кои „имале целосно право да го сторат тоа“, поради што САД ги започнале нападите, пренесува „Танјуг“.
Трамп претходно изјави дека прекинот на огнот меѓу САД и Иран е „завршен“ според него, бидејќи не сака да „губи повеќе време“.
Трамп рече дека, според него, прекинот на огнот меѓу САД и Иран повеќе не постои и дека не сака да ги продолжи преговорите со Техеран.
Зборувајќи за време на состанокот со генералниот секретар на НАТО, Марк Руте, на самитот на алијансата во Анкара, Трамп рече дека прекинот на огнот е „завршен“ и дека е „губење време“ да се работи со иранските власти, кои ги опиша како „болни луѓе“.
ИЗДВОЕНИ
Еврокомесарката Кос и премиерот Мицкоски со иста цел, но со различни патишта до Брисел
КОЛУМНА, ЗВОНКО ДАВИДОВИЌ: Демократија на „апарати“, од партиски штабови до дигитални септички јами
Домашната пченица стои непродадена, а увезуваме пченица и брашно со сомнителен квалитет
Сиљановска-Давкова: „Најсилна Европа е онаа што живее во мир и демократија, заснована на принципи и вредности“
