Трамп се огласи за прекинот на летовите во САД, ја откри причината зошто сите авиони беа приземјени

Претседателот на САД, Доналд Трамп, потврди дека прекинот на летовите на сите аеродроми низ земјата можеби е поврзан со застарена опрема.

Трамп изјави дека проблемот не е предизвикан од сајбер-напад или вештачка интелигенција, пренесува „Фокс њуз“ (Fox News).

Министерот за транспорт, Шон Дафи, изјави дека дефектот во опремата за контрола на летање во САД е предизвикан од застарена технологија и дека Конгресот на САД мора да издвои 50 милијарди долари за нејзина замена.

„Нашите рутери беа преоптоварени со податоци и почнаа да покажуваат недоследности во податоците, поради што го исклучивме системот“, рече тој.

Today’s nationwide ground stop happened because our air traffic control system is operating on DECADES-OLD, analog equipment that simply cannot compete with the demands of the 21st century.

@FAANews is modernizing this aging infrastructure thanks to a $12.5 billion down payment secured by President Trump, but that isn’t ENOUGH.

@POTUS is asking Congress to give us the resources to build a state-of-the-art air traffic control system. Let’s not do a patchwork fix to a system that’s critical for every single family.

It’s time for Congress to act. Give us the money to fix it. PASS THE MODERN SKIES ACT NOW.

— Secretary Sean Duffy (@SecDuffy) November 14, 2026

Дафи нагласи дека администрацијата на Трамп уште од минатата година бара од Конгресот целосно финансирање за изградба на сосема нов систем за контрола на летање.

Според најновите податоци од веб-страницата „ФлајтАвер“ (FlightAware), која го следи воздушниот сообраќај, бројот на летови што доцнеле или биле откажани во САД поради падот на системот надминал 15.000, пренесе агенцијата ТАСС.

Според нивните бројки, 8.501 лет во рамките на САД, кон или од САД доцнеле, а 7.218 летови биле откажани.

Претходно, Федералната управа за авијација на САД (FAA) ги запре полетувањата од сите аеродроми низ земјата во времетраење од околу четири и пол часа, поради проблеми со опремата за контрола на летање.