Американскиот претседател Доналд Трамп потврди дека му било советувано да почне да носи панцир по серија обиди за атентат, но ја отфрлил идејата од естетски причини.
„Елекот го спаси агентот, но не знам…“ Трамп го коментираше неодамнешниот инцидент во хотелот Хилтон во Вашингтон, каде што агент на тајната служба беше ранет за време на вечера на Здружението на дописници од Белата куќа.
„Елекот заврши неверојатна работа. Агентот беше погоден од куршум од блиску, а тој дури и не сакаше да оди во болница“, рече Трамп, пофалувајќи ја опремата што го спаси животот на неговиот телехранител.
Сепак, кога станува збор за неговата лична заштита, американскиот претседател остана доследен на својот стил. Кога новинарите го прашаа зошто не носи панцир, тој одговори на својот препознатлив начин: „Не знам дали би можел да поднесам да изгледам 20 килограми потежок“.
И покрај тоа што потврди дека носењето панцир е „нешто за кое треба да се размислува“, Трамп инсистира дека не дозволува стравот да му пречи во работата.
За стравот: Кога го прашале дали е загрижен за нови обиди за атентат, тој рекол дека не размислува за тоа.
За работата: „Да размислував за тоа, немаше да работам многу добро тука“, рече Трамп.
Инаку, Трамп преживеа повеќе обиди за атентат, вклучувајќи го и оној во јули 2024 година за време на кампањата, кога куршум го изгреба на увото, како и најновиот инцидент минатиот викенд во Вашингтон.
ИЗДВОЕНИ
Насилството меѓу учениците го вклучи алармот, следуваат казни и полициски надзор
Грција со итни мерки на Евзони – се укинува биометријата во време на „шпиц“
Граѓаните не ги интересира процентот на инфлација, туку што може да купат со платата
И термометрите ќе „горат“: Македонија влегува во лето со екстремни температури
