Американскиот претседател Доналд Трамп објави дека во последен момент го откажал испраќањето на неговите клучни претставници во Пакистан, каде што требаше да се одржат разговори со Иран. Трамп потврди во интервју за „Фокс њуз“ дека Стив Виткоф и Џаред Кушнер нема да патуваат во Исламабад, иако Белата куќа официјално го најави патувањето само еден ден претходно.
Одлуката за откажување на патувањето дојде откако иранската делегација, предводена од министерот за надворешни работи, Абас Арагчи, го напушти пакистанскиот главен град. Иранците беа во Пакистан на консултации со тамошните претставници, но директната средба со Американците, која требаше да послужи за консолидирање на кревкиот прекин на огнот по операцијата „Епски бес“, на крајот не се одржа.
„Им реков дека нема смисла да летаат 18 часа за да седат таму и да зборуваат за ништо. Ние ги држиме сите карти, тие се оние што треба да нè повикаат“, рече Трамп. Тој додаде дека американската позиција е јасна и дека повеќе не планира да троши ресурси на дипломатски мисии кои не ветуваат брзи и конкретни резултати според неговите услови.
ИЗДВОЕНИ
Брзите кредити ќе се добиваат преку банкарска сметка, веќе нема пари на рака
Македонија ги отвора вратите за нов бран турски капитал
За среќа, тука е Pepco: Омилениот европски бренд на 18 јуни истовремено отвора две продавници во Скопје!
Деветтоодделенци турнаа канделабра во Карпош, граѓаните алармираат: Игралиштата стануваат цел на вандализам
