Новоизбраниот претседател Доналд Трамп ја избра Кимберли Гилфојл, поранешна водителка на Фокс њуз и свршеница на неговиот син Доналд Трамп Помладиот, за нова американска амбасадорка во Грција.
Гилфојл е свршена со Трамп Џуниор од декември 2020 година, а Трамп на „Truth Social“ рече дека е блиска пријателка и сојузник долги години и дека е „совршено квалификувана“ да ги подобри односите меѓу САД и Грција, со фокус на областите како што се одбранбената соработка, трговијата и економските иновации, објави Ројтерс.
Гилфојл не е единствениот назначен на позиција што има семејни врски со Трамп.
Во ноември, Трамп ги објави плановите да го номинира Чарлс Кушнер, таткото на неговиот зет Џаред, за амбасадор во Франција, и да го номинира Масад Боулс, свекорот на неговата помлада ќерка Тифани, за советник за Блискиот Исток.
Трамп го избра и својот долгогодишен пријател Том Барак за амбасадор во Турција.
ИЗДВОЕНИ
Сообраќајките ја чинат државата повеќе од 400 милиони евра годишно, повеќе од целиот армиски буџет
Крената Шенген-рампата и за камионџиите и за автобусчиите
Децата цел на разбојници – ќе се врати ли „маалскиот полицаец“ да нè чува?
Убава вест од Брисел: Професионалните возачи ќе можат да влегуваат во Шенген зоната без да им се бројат деновите за престој!
