Трамп: Целосно ги разнесуваме во моментот! Нема да бидеме таму уште долго!

Американскиот претседател Доналд Трамп изјави за „Њујорк пост“ дека верува оти војната во Иран наскоро ќе заврши и дека другите земји можат сами да го отворат Хормутскиот Проток.

Трамп ја даде изјавата откако објави видео од огромни експлозии во близина на Исфахан на социјалните мрежи, за кои тврди дека погодиле „многу работи“.

Overnight, the United States struck a large ammunition depot in the Iranian city of Isfahan

Via @mamlekate https://t.co/50sbLY3D3x pic.twitter.com/Ud0lzdVBQf

— Visegrád 24 (@visegrad24) March 31, 2026

„Нема да бидеме таму долго. Целосно ги разнесуваме во моментов, тоа е тотално уништување“, рече претседателот во телефонски разговор. „Но, нема да мора да останеме долго. Сè уште имаме работа да завршиме додека не ја уништиме нивната офанзива или какви било офанзивни капацитети што им останале“, објави „Индекс“.

Трамп рече дека другите земји можат да го решат проблемот со Хрмутскиот Проток, кој Иран го држи затворен 31 ден, што предизвика скок на цените на енергијата на светскиот пазар.

„Па, мислам дека ќе се отвори автоматски. Мојот став е овој: Јас ја уништив таа земја. Тие веќе немаат моќ. Земјите што го користат протокот сега нека одат и нека го отворат… Претпоставувам дека кој и да ја контролира нафтата ќе биде многу среќен да го отвори теснецот“, изјави тој.

Трамп одби да каже што точно било погодено во ноќните воздушни напади во близина на Исфахан, голем град во чиј близина Иран има нуклеарен погон. Сепак, тој рече дека бил изненаден од големината на експлозијата, за која рече дека укажува на значајна цел на теренот.

„Би сакал да не зборувам за тоа, но наскоро ќе дознаете. Беа доста големи, нели?“ рече Трамп. „Сè ќе биде откриено, но тоа беше само уште една од тие прекрасни нивни области за кои се грижевме“, продолжи тој. „Тоа беше прекрасно. Прекрасно. Тоа се работите што ги разнесевме. Каква експлозија беше.“

„Всушност беше поголемо отколку што мислевме, што значи дека имаа многу работи таму. Им ги одземаме нуклеарните капацитети и имаме промена на режимот. Знаете, сега се справуваме со сосема поинаков сет луѓе, и тие се многу поразумни од претходниците, многу поразумни“, рече Трамп, додавајќи: „И тоа е навистина промена на режимот.“