Девет деца загинаа, а уште две се повредени во јужен Египет во неделата кога моторниот трицикл на кој се возеле паднал во канал, соопштија локалните власти.
Несреќата се случила во областа Абу Тиг во јужната покраина Асиут, соопшти канцеларијата на гувернерот на „Фејсбук“.
Асиут, кој се наоѓа 320 километри јужно од Каиро, е познат по своите антички египетски споменици.
Според локалните медиуми, дефект во механизмот за управување предизвикал превртување на трициклот, кој ги носел децата дома од работа на блиските фарми.
Состојбата на повредените не е позната, а телата на мртвите деца се однесени во болница во Абу Тиг, соопшти канцеларијата на гувернерот.
Децата биле на возраст меѓу 10 и 17 години.
Гувернерот на Асиут, Мохамед Елван, наредил изградба на бетонски бариери по должината на каналот за да се спречат вакви несреќи.
Египет има лоша безбедност на патиштата и лоши патишта, а сообраќајните закони не се спроведуваат доволно, па затоа сообраќајните несреќи се многу чести, пренесува „Бета“.
ИЗДВОЕНИ
Премиерот Мицкоски го соопшти предлог составот на неговиот нов Владин кабинет
Компромисот за деблокадата на Изборниот законик во рацете на координаторите
Асистентка уапсена по пријава на студент од Турција: фатена со обележани сто евра
Пченицата се откупува по цена на едно јајце, земјоделците се откажуваат од лебното жито
