Државјанин на Србија (56) се удави во морето во областа Сарти на Халкидики.
Според локалните медиуми, човекот бил извлечен од морето во несвест. На местото на настанот веднаш пристигнал спасител, кој му укажал прва помош и се обидел да го реанимира со кардиопулмонална реанимација (КПР), но без успех.
Српскиот државјанин потоа бил пренесен со брза помош од Сарти во Здравствениот дом „Агиос Николаос“.
Дежурните лекари таму се обиделе да му помогнат, но на крајот можеле само да констатираат смрт.
Се очекува телото на починатиот да биде префрлено во мртовечницата во Солун, каде што ќе се изврши обдукција за да се утврди точната причина за смртта.
Околностите под кои се случило давењето засега се непознати, а повеќе детали треба да бидат познати по обдукцијата, објавува „Гртајмс“.
