Шеснаесетгодишно момче од околината на Бјеловар е во критична состојба и е приклучен на кислородна поддршка откако претрпе тешки изгореници на речиси целото тело. Поради сериозноста на повредите, тој е пренесен во Детската болница во Загреб, а полицијата ги истражува околностите на несреќата, пишува Bjelovar.live.
Префрлен во Клајќева, се бори за живот
Според достапните информации, момчето е примено во Општата болница Бјеловар во четврток со тешки изгореници од трет степен кои зафатиле околу 95 проценти од површината на неговото тело. Поради сериозноста на повредите, тој е итно префрлен на понатамошно лекување во болницата Клајќева во Загреб, каде што е на интензивна нега.
Се спомнува предизвик на TикТок
Како што неофицијално дознава хрватски Индекс, луѓето кои го познаваат тинејџерот споменуваат предизвик на ТикТок кој завршил трагично. Сигурно е дека и полицијата ќе мора да ја потврди оваа информација во продолжението на нивната истрага.
Полициската управа Бјеловар-Билогора потврди дека добиле пријава за инцидентот и дека е во тек кривична истрага за да се утврдат сите околности што довеле до повредите. Во моментов нема официјални информации за причината за несреќата.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
