Во октомври 2026 година, Србија издвои хуманитарна помош за Украина во вид на неопходни медицински материјали, со вкупна вредност од приближно три милиони евра.
Ова го соопшти Амбасадата на Украина во Белград.
Првата пратка со медицински материјали, во вредност од околу 1,5 милиони евра, ја премина украинската граница на 29 октомври. Во блиска иднина, овие лекови ќе бидат доставени до украинските градови – вклучително и оние во близина на линијата на фронтот, каде што се најпотребни.
„Во време кога Украина секојдневно се бори за животите на своите граѓани, помошта од ваков вид има посебна вредност. Ова не се само медицински материјали; тие претставуваат искрен израз на солидарност, хуманост и поддршка. Упатуваме срдечна благодарност до Република Србија и до целиот српски народ за нивното сочувство, добрина и подадената рака за помош“, изјавија од Амбасадата на Украина.
Србија и претходно ѝ помогна на Украина во справувањето со последиците од вооружениот конфликт со Русија; во мај испрати хуманитарна помош што се состоеше од опрема за поправка и одржување на електричната мрежа и енергетската инфраструктура, од кои голем дел беа уништени, пренесе „Танјуг“.
.
ИЗДВОЕНИ
Втор круг од изборите за градоначалник во Брвеница
Случај „Алта банка“: Што се случува со заштедите и кредитите на граѓаните?
На Токио му дадовме шахта! Најновиот филм „Сестра, брат и шахта“ на Манчевски премиерно прикажан во Јапонија
Длабок судир меѓу владата и Уставниот суд ја тресе Полска: Распоредена полиција, претседателот итно се врати во Варшава
