Српскиот тенисер Хамад Меџедовиќ приреди вистинска драма во третото коло на мастерсот во Рим, откако по голем пресврт го совлада Маријано Навоне и обезбеди пласман во осминафиналето. Српскиот тенисер го загуби првиот сет, но потоа успеа да ги добие следните два и по повеќе од три часа исцрпувачка борба, стигна до голема победа.
Сепак, најдраматичниот момент се случи во самиот финиш на мечот. Откако стигна до меч-топка, Меџедовиќ повраќаше на теренот поради огромниот напор и исцрпеноста. И покрај тоа, тој брзо се созеде, зеде крпа и вода, а потоа се врати на теренот и успеа да го заврши мечот во своја корист.
View this post on Instagram
Сцената предизвика реакции и кај коментаторот на „Скај спортс“, кој им се извини на гледачите поради кадрите од преносот.
- Оооу! Се бореше три сета и, можеби, го достигна својот лимит. Жал ми е што го прикажуваме ова во преносот – изјави коментаторот.
ИЗДВОЕНИ
Лебдам затоа што Македонија, конечно, го препозна своето богатство
Наместо во затвор – во психијатрија: Народниот правобранител отвора сомнежи за спорни вештачења
Литар млеко се откупува колку чашка јогурт, а млекарниците продаваат хемија
Реновираните хируршки сали од април ќе се отворат на крајот на јуни
