Во Кремљ се одржува свечена вечера, организирана од рускиот претседател Владимир Путин во чест на шефовите на странските делегации кои присуствуваат на 80-годишнината од победата над фашизмот, пренесе Танјуг.
За време на вечерата во чест на шефовите на странските делегации, рускиот претседател Владимир Путин наздрави за победата, мирот и просперитетот, наведувајќи дека 9 мај е свет датум за мултинационалниот народ на Русија.
„Драги пријатели, дозволете ми да наздравам за генерацијата победници, за големата победа, мирот и просперитетот, за вас, наши пријатели“, рече Путин за време на свечената вечера, објави РИА Новости.
Тој рече дека одлучувачката улога во победата над нацизмот му припаѓа на Сојузот на Советските Социјалистички Републики (СССР) и дека никој не може да го оспори тоа.
Путин, исто така, нагласи дека Русија нема да ги заборави своите сојузници во борбата против нацизмот, дека денес се воспоставува поправеден светски поредок и дека Москва се залага за еднаква и неделива безбедност за сите, што ќе обезбеди мир.
На свечената вечера присуствуваат и српскиот претседател Александар Вучиќ и претседателот на Република Српска, Милорад Додик.
Русија ќе ја одбележи 80-годишнината од победата во Втората светска војна над нацистичка Германија и нејзините сојузници на 9 мај.
