Екипата на Портланд успеа да го победи Сан Антонио со 106:103 и со тоа да го израмни резултатот во плејоф серијата на 1-1, но наместо кошарка, сите зборуваат за повредата на Виктор Вембањама. Најдобриот НБА-дефанзивец оваа година и кандидат за МВП имаше ужасен пад, по што неколкупати ја удри главата на подот. После тоа, тој не се врати во игра, а се верува дека имал потрес на мозокот.

Сето тоа се случи на стартот од втората четвртина при резултат 34:32, кога Французинот се сопна, а потоа неколкупати ја удри главата на подот. Прво лежеше на подот некое време, потоа се обиде да стане, но очигледно беше дезориентиран и, со помош на лекар, го напушти теренот.

Без него на теренот, Скот Хендерсон го предводеше Портланд до победа со 31 поен, додека Џру Холидеј имаше 16 поени, 9 асистенции и 5 скока. Вембањама го заврши натпреварот со 5 поени и 4 скока, а без него во тимот, Касл имаше 17, Фокс 17, а Васел 16 поени.

Според правилата на НБА, тој не може да се врати на целосен тренинг во следните 48 часа. Сепак, 24 часа по ударот, тој може полека да тренира, ако неговите симптоми не се влошат. Сепак, дури и ако сè оди вака, лекарот на тимот ќе мора да му напише дозвола за настап, заедно со лицето задолжено за потреси на мозокот и прописите во НБА во случај на такви повреди.

Сан Антонио ќе го игра својот следен натпревар на 25 април во 4:30 часот наутро.

До голема победа во серијата дојде и тимот на Лос Анџелес Лејекрс, кој е без својот најдобар играч – Лука Дончиќ. „Езерциите“ ја запишаа и втората победа против Хјустон (2-0 во серијата) со триумфот на домашен терен од 101:94.

Се очекува Дончиќ наскоро да се врати од повреда, а на овој натпревар Лејкерс беше предводен од Леброн Џејмс со 28 поени, 8 скока и 7 асистенции. Тој имаше голема помош од Маркус Смарт, кој забележа 25 поени и 7 асистенции. Од друга страна, Алперен Шенгун имаше дабл-дабл со 20 поени и 11 скока со 5 асистенции, додека заздравениот Кевин Дурант забележа 23 поени и 6 скока.

Сега серијата се сели во Хјустон, а сè уште не е познато дали Дончиќ воопшто ќе биде во првото коло од плејофот.

 

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ