Кинеската натпреварувачка Лиу Чи доживеа тежок пад на скокалницата во Рашнов, Романија. Таа претходно изведе неверојатен скок од 98,5 метри, со што постави нов рекорд на скокалницата.

Сепак, при доскокот, 30-годишната Кинезинка изгуби контрола и падна, по што веднаш била пренесена во болница во Брашов. За среќа, лекарските прегледи покажале дека нема скршеници, но има оштетување на лигаментите и ткивото на десното колено.

Словенечкиот тренер Нејц Франк потврди дека повредата е поврзана со лигаментите на коленото.

Лиу Чи сега ќе се врати во Кина, каде што ќе започне со закрепнување и со подготовките за новата сезона.

Светскиот куп во ски-скокови стартува на 21 и 22 ноември во Лилехамер, Норвешка.

На натпреварот во Рашнов триумфираше домашната натпреварувачка Ана Твардош со 221 бод, пред Пенг Ќинг и Ема Клинец.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ