Британскиот премиер Кир Стармер изјави во понеделник дека неговата земја испраќа воен брод и хеликоптери на Кипар откако беспилотно летало удри во британска база на островот.
Стармер рече дека му кажал на кипарскиот претседател Никос Христодулидес дека Лондон распоредува хеликоптери против беспилотни летала и разорувачот за воздушна одбрана HMS Dragon во регионот, објави „Бета“.
Дрон од иранско производство удри во британска база на кралските воздухопловни сили во текот на викендот, предизвикувајќи помала штета и без повредени.
Стармер првично им забрани на САД, кои го напаѓаат Иран од саботата, да ги користат британските бази за такви напади, но подоцна се согласи да му даде на Вашингтон користење на базите во Англија и Диего Гарсија во Индискиот Океан.
Иако британската база на Кипар беше оштетена, Стармер рече дека Лондон „нема да се придружи во офанзивни акции“ бидејќи, како што тврди, британската влада не верува во „промена на режимот од небото“.
„Сите британски акции секогаш мора да имаат законска основа и одржлив, добро осмислен план“, им рече Стармер на пратениците во Долниот дом вчера.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
