Градоначалничката на Општина Кисела Вода, Бети Стаменкоска-Трајкоска и директорот на Природонаучниот музеј, Ивица Заркадов, потпишаа Меморандум за соработка за унапредување на образованието на учениците од основните училишта на територијата на Општината.
– Со овој Меморандум поставуваме основа за организирани и континуирани едукативни активности во Музејот, со цел наставните содржини да им бидат поблиски, поинтересни и попрактични на учениците – соопштија од Општина Кисела Вода.
Притоа, наведуваат дека посебен акцент се става на поттикнување интерес кај младите за природните науки и природното наследство на нашата држава, како и на развивање љубов кон природата и татковината. Дополнително, ќе се организираат стручни водства низ постојаните музејски поставки, тематски работилници согласно интересот на училиштата, како и предавања, презентации и практична настава со стручни лица и експерти од различни области во училиштата.
Активностите ќе се реализираат во согласност со наставните програми и по барање на училиштата, со цел знаењето стекнато во училниците да добие своја практична примена.
ИЗДВОЕНИ
Мицкоски: Јас би бил најсреќен ако Американците ги затегнат условите за иселенички визи, оваа Влада сака да ги врати иселениците
Димитријевиќ се враќа за Македонија: „Последна шанса за Евробаскет“
Мицкоски за „Брајтбарт њуз“: Кога на Америка ѝ беа потребни сојузници, мојата земја не се криеше во толпата
Кос: Светот се промени, а со него мора да се промени проширувањето
