Случајот со „Алта банка“ утре ќе биде во фокусот на собраниската Комисија за финансирање и буџет, каде што е закажана надзорна расправа со почеток во 11 часот. Терминот го потврди претседателката на Комисијата, Сања Лукаревска.
На расправата се очекува да бидат отворени повеќе прашања поврзани со работењето на „Алта банка“ АД Битола, околностите под кои е воведена администрација во банката, како и постапувањето на надлежните институции.
Особено внимание се очекува да биде посветено на улогата на Народната банка, институционалната одговорност и мерките преземени во врска со случајот, вклучително и прашањата за заштитата на штедачите и граѓаните.
Надзорната расправа доаѓа во период кога случајот отвори низа прашања во јавноста за регулаторниот надзор, постапките на институциите и одговорноста на надлежните.
Сè уште нема потврдени информации за конечниот список на учесници и повикани претставници на институциите кои ќе треба да дадат одговори пред пратениците.
ИЗДВОЕНИ
Проф. д-р МАРКО КИТЕВСКИ: БОЛЕН ЛЕЖИ МЛАД СТОЈАН – Здравјето и болестите во народната култура
Нацрт-законите за кривичната постапка и кривичниот законик доставени до Европската комисија за мислење
Трамп ја номинираше Кристи Мекормик за нова амбасадорка на САД во Македонија
Златните прачки и монети се сигурна инвестиција за Македонците, грам чисто злато чини 125 долари
