Ситуацијата со Хамилтон ги комплицира работите

По хаотичната трка во Мајами, тимот на Ферари повторно се најде во центарот на вниманието поради одредени тимски одлуки. Шарл Леклер и Луис Хамилтон двапати ги сменија позициите, а сето тоа предизвика лавина од реакции.

Леклер истакна дека нема лоши односи со Луис Хамилтон по контроверзните тимски наредби што ја одбележаа трката во Мајами. За време на трката, Хамилтон постојано изразуваше фрустрација поради тимското радио што мораше да вози зад Леклер, иако тој користеше средно тврди гуми во споредба со тврдите на Леклер.

Седумкратниот светски шампион побара тимот да го пушти да помине напред, надевајќи се дека ќе може да извлече повеќе од ситуацијата и да ги стигне возачите пред нив. Ферари на крајот попушти под притисокот и му нареди на Леклер да го пропушти Хамилтон, но таа одлука не го донесе посакуваниот резултат.

Хамилтон не успеа да го стигне Андреа Кими Антонели, па тимот нареди обратна замена – Хамилтон ја врати позицијата на Леклер.

Леклер по трката изјави дека не бил свесен за поплаките на Хамилтон за време на возењето, но јасно стави до знаење дека Ферари мора подобро да реагира во слични ситуации.

• Знаев дека Луис е на средни гуми, па затоа се очекуваше да има повеќе проблеми кон крајот на трката отколку јас. Беше неопходно да се зачуваат гумите, но исто така разбирам дека сакаше да проба нешто различно и го ценам тоа. Искрено, и јас би го направил истото да бев на негово место. Ако има шанса да нападне со подобри гуми, нормално е да бара простор. Затоа немам лоши чувства кон Луис, истакна Леклер.

Сепак, Моначанецот беше јасен дека тимот мора подобро да комуницира и да донесува одлуки што нема дополнително да ги комплицираат веќе комплицираните трки.

• Мислам дека требаше да разговараме повеќе пред да ги смениме позициите. Ако се обидувам да заштедам гуми, а потоа ми кажат да пуштам некого, тогаш се комплицира ситуацијата, додаде Леклер.

Леклер нагласи дека перформансите на Ферари во неделата не беа на ниво и дека шансите за подобар резултат беа пропуштени.

• Мислам дека сите сме свесни дека ова не беше неделата што ја сакавме. Не беше ни чудо – ако сè одеше совршено, можеби ќе завршевме пред Антонели, и тоа е тоа, порача Моначанецот.

Интересно е што самиот Леклер испрати неколку пораки преку радио за време на трката во кои посочи дека имал проблеми со гумите, особено додека возел зад Хамилтон. И покрај фрустрациите, Леклер вели дека сите овие моменти се нормални и не го одразуваат целосно она што се случувало на патеката.

• Бев фрустриран бидејќи се борев за осмото место, а не се подобрив. Болидот не ми одговараше и сè се натрупа. Радиоврската не секогаш ја дава целосната слика. Се фокусирав на мојата трка и гумите, заврши Леклер.