Силна бура ја погоди Албанија: Двајца загинаа, тројца се повредени/ВИДЕО

Две лица загинаа, а три други беа повредени во невреме со силни ветрови и врнежи од дожд што ја погоди јужна Албанија во текот на ноќта, соопштија официјални лица.

Башким Бочи, електричар во државната електроенергетска компанија (OSSH), почина за време на интервенција кога падна од столб во Химара откако му се скина безбедносниот појас додека работеше на поправка на далновод во областа Потами околу 3 часот наутро, објавија албанските медиуми.

What a night that was

It was a thunderstorm here in Albania last night, shutting down electricity, breaking the hotel windows, chairs and stuff flying all over the place. It even started to burn in the neighbour building (you see the fire in the video)

Speechless 😅 but I'm ok! pic.twitter.com/OpqycRXgJj

— N 🇸🇪 – 🇺🇦🍉 (@BumbacComeback) July 22, 2026

Во Ксамил, невремето го зафати рибарот Михал Зои во немирно море, каде што се превртел неговиот чамец, а неговото тело беше пронајдено утрово.

Во Саранда, во јужна Албанија, силните ветрови соборија десетици дрвја, оштетувајќи возила, а три лица побараа медицинска помош откако беа повредени од скршено стакло и гранки од дрвја.

Проблеми по невремето беа пријавени и во Либражд, каде што некои области сè уште немаат електрична енергија, а прекинот на електричната енергија предизвика проблеми со снабдувањето со вода за пиење, особено во Патос.