Постапувајќи според информации добиени од САД во врска со подготовка на терористички напад во Москва, руската Федерална служба за безбедност (ФСБ) приведе тинејџер – руски државјанин – кој на „ТикТок“ објавил видео во кое се заканува со извршување кривично дело во паркот „Царицино“. Ова го соопшти Центарот за односи со јавноста на ФСБ, а го пренесе руската новинска агенција ТАСС.
„Федералната служба за безбедност (ФСБ), во координација со Националната гарда на Русија, Министерството за внатрешни работи и Истражниот комитет на Русија, ги провери информациите добиени од американските органи за спроведување на законот во врска со подготовка на терористички напад во Москва, на територијата на музејот-резерват ‘Царицино’“, соопштија од ФСБ.
Како резултат на овие активности, приведен е малолетник – државјанин на Руската Федерација.
ФСБ наведе дека поединецот објавил фотографии на платформата „ТикТок“ на кои се гледа во тактичка опрема – со фантомка, капа, заштитни очила и слушалки – додека држи предмет што наликува на автоматско оружје. Тој исто така објавил фотографии направени во музејот-резерват „Царицино“, придружени со натпис: „Најдов место“.
ИЗДВОЕНИ
Народна банка на Македонија донесе решение за воведување администрација во Алта банка а.д. Битола
Без помош од други, не можат ниту до лекар ниту до банка, 43 отсто од институциите немаат пристап до тоалет
ЖИВОТНИ ПАTОКАЗИ, ЗОРАН КРСТЕВСКИ: СПРАВУВАЊЕ СО ТЕШКОТИИТЕ
Втор круг од изборите за градоначалник во Брвеница
